Maxfiylik siyosati

1. Umumiy qoidalar

1.1. Mazkur Siyosat Operator tomonidan foydalanuvchidan qaysi ma'lumotlar olinishini, ular qanday tartibda qayta ishlanishini hamda qaysi maqsadlarda ishlatilishini aniq belgilaydi.

1.2. Shaxsiy ma'lumotlarni qayta ishlashdan asosiy maqsad — Cashfiyot xizmatining uzluksiz va xavfsiz ishlashini ta'minlash, foydalanuvchiga cashback (xariddan pul qaytarish) shaklidagi imtiyozlarni taqdim etish hamda hamkor savdo nuqtalaridagi takliflar to'g'risida o'z vaqtida xabardor qilishdan iborat.

1.3. Operator foydalanuvchining shaxsiy ma'lumotlarini, qonun hujjatlarida nazarda tutilgan istisno hollardan tashqari, hech qanday uchinchi shaxsga oshkor etmaydi va sotmaydi.

2. Yig'iladigan ma'lumotlar tarkibi

Cashfiyot ilovasi foydalanuvchidan minimal hajmda ma'lumot olishga harakat qiladi. Yig'iladigan ma'lumotlar quyidagilardan iborat:

• Foydalanuvchining ismi, tug'ilgan sanasi (ro'yxatdan o'tish bosqichida ko'rsatiladi);
• Mobil telefon raqami (akkauntni identifikatsiya qilish va SMS-tasdiq uchun);
• Cashback hisoblari, qaytarilgan summalar tarixi va akkaunt balansiga oid ma'lumotlar;
• Hamkor do'konlardagi xaridlar bo'yicha cashback hisoblanishiga asos bo'luvchi tranzaksiya summalari (xarid mazmuni emas, balki faqat hisoblash uchun zarur summa).

2.1. Ro'yxatdan o'tish faqat foydalanuvchining mobil telefon raqami orqali amalga oshiriladi. Raqamning egaligini tasdiqlash uchun bir martalik SMS-kod yuboriladi.

2.2. Cashfiyot ilovasi bank kartasi amal qilish muddati, CVV kodi, parollar, uchinchi tomon orqali jo'natilinadigan SMS-kodlarni yoki internet-banking ma'lumotlarini hech qachon so'ramaydi va saqlamaydi. Ilova bevosita to'lov operatsiyalarini amalga oshirmaydi.

2.3. Ilovaning to'g'ri ishlashi uchun zarur bo'lgan texnik ma'lumotlar — qurilma turi, operatsion tizim versiyasi va ilova versiyasi — avtomatik tarzda yig'ilishi mumkin. Bu ma'lumotlar shaxsni aniqlash uchun ishlatilmaydi.

3. Ma'lumotlarni qayta ishlash maqsadlari

Operator foydalanuvchining shaxsiy ma'lumotlarini quyidagi maqsadlarda qayta ishlaydi:

• Foydalanuvchini Cashfiyot tizimida ro'yxatdan o'tkazish va keyinchalik akkauntga kirishini ta'minlash;
• Hamkor savdo nuqtalaridagi xaridlar bo'yicha cashback summasini hisoblash, jamlash va foydalanuvchining akkauntiga o'tkazish;
• Cashback tarixini saqlash, foydalanuvchiga balans va tranzaksiyalar haqida hisobot taqdim etish;
• Yangi aksiyalar, hamkorlar va shaxsiy takliflar to'g'risida foydalanuvchini xabardor qilish;
• Ilovadan foydalanish bo'yicha umumlashtirilgan, anonim statistika yuritish va xizmat sifatini yaxshilash;
• Foydalanuvchi murojaatlariga texnik yordam ko'rsatish va nizoli vaziyatlarni hal qilish.

4. Ma'lumotlarning uchinchi shaxslarga uzatilishi

4.1. Cashfiyot foydalanuvchining shaxsiy ma'lumotlarini hamkor do'konlarga, savdo tarmoqlariga yoki boshqa biznes sub'ektlariga oshkor etmaydi. Hamkorlar bilan faqat cashback hisoblash uchun zarur bo'lgan tranzaksiya summalari almashinadi; foydalanuvchining ismi, telefon raqami va boshqa shaxsiy ma'lumotlari hamkorlarga uzatilmaydi.

4.2. Operator ilovaning ishlashini takomillashtirish va xatoliklarni aniqlash maqsadida shaxssizlantirilgan (anonim) ma'lumotlarni texnik analitika xizmatlariga uzatishi mumkin. Bunday xizmatlarga, masalan, Google Firebase yoki shunga o'xshash sanoat standartidagi vositalar kiradi. Ushbu ma'lumotlar konkret foydalanuvchini aniqlashga imkon bermaydi.

4.3. Marketing tahliliga oid ma'lumotlar (masalan, ilovadagi faollik darajasi, ekran ko'rishlar soni) faqat umumlashtirilgan shaklda qayta ishlanadi.

4.4. Shaxsiy ma'lumotlar davlat organlariga faqat O'zbekiston Respublikasi qonunchiligida belgilangan tartibda va asosli rasmiy so'rov asosida taqdim etilishi mumkin.

5. Ma'lumotlarni saqlash va xavfsizlik choralari

5.1. Foydalanuvchilarning shaxsiy ma'lumotlari himoyalangan serverlarda saqlanadi. Operator ma'lumotlarni shifrlash, kirish huquqlarini chegaralash va doimiy monitoring qilish kabi zamonaviy texnik hamda tashkiliy choralarni qo'llaydi.

5.2. Operator ma'lumotlarning ruxsatsiz qo'lga kiritilishi, o'zgartirilishi, yo'q qilinishi yoki tarqatilishining oldini olish maqsadida barcha asosli choralarni ko'radi.

5.3. Shaxsiy ma'lumotlar foydalanuvchining akkaunti faol bo'lgan davr davomida va akkaunt o'chirilganidan keyin qonunchilikda belgilangan minimal muddatda saqlanadi.

6. Foydalanuvchining huquqlari

Cashfiyot foydalanuvchisi quyidagi huquqlarga ega:

• O'zining shaxsiy ma'lumotlari haqida so'rov yuborish va ular bilan tanishish;
• Noto'g'ri yoki eskirgan ma'lumotlarni tuzatishni talab qilish;
• Akkauntni va u bilan bog'liq shaxsiy ma'lumotlarni o'chirib yuborishni so'rash;
• Ma'lumotlarni qayta ishlashga avval bergan roziligini istalgan vaqtda qaytarib olish.

Yuqoridagi huquqlardan foydalanish uchun foydalanuvchi quyida ko'rsatilgan aloqa kanallari orqali Operatorga murojaat qilishi mumkin. Operator murojaatga qonunda belgilangan muddatlarda javob berishni o'z zimmasiga oladi.

7. Push-bildirishnomalar va aloqa

7.1. Cashfiyot ilovasi cashback hisoblanishi, balans o'zgarishi, hamkor takliflari va yangiliklar haqida foydalanuvchini xabardor qilish uchun push-bildirishnoma yuborishi mumkin.

7.2. Foydalanuvchi push-bildirishnomalarni ilovaning sozlamalari yoki qurilma tizimi sozlamalari orqali istalgan paytda o'chirib qo'yishi mumkin. Bu xizmat ishiga ta'sir qilmaydi.

8. Geolokatsiyadan foydalanish

Ilovaning to'g'ri ishlashi uchun geolokatsiya funksiyasi yoqilgan bo'lishi kerak. Joylashuv ma'lumotlari uchinchi shaxslarga uzatilmaydi va kuzatish maqsadida ishlatilmaydi.

9. Cookie fayllar va o'xshash texnologiyalar

Ilova cookie fayllaridan foydalanuvchi sozlamalarini saqlash va xatti-harakatlarni tahlil qilish uchun foydalanishi mumkin.

10. Voyaga yetmaganlar bilan ishlash

Cashfiyot 18 yoshdan kichik shaxslarga mo'ljallangan emas. Operator ongli ravishda voyaga yetmaganlardan ma'lumot to'plamaydi. Agar voyaga yetmagan shaxsning ma'lumotlari noto'g'ri yo'l bilan olinganligi aniqlansa, ular zudlik bilan o'chirib tashlanadi.

11. Siyosatga o'zgartirishlar kiritish

11.1. Operator qonunchilikdagi yoki xizmat sharoitlaridagi o'zgarishlar tufayli ushbu Siyosatni davriy tarzda yangilab borish huquqini saqlab qoladi.

11.2. Siyosatning yangi tahriri Cashfiyot ilovasida e'lon qilinadi va e'lon qilingan paytdan boshlab kuchga kiradi. Yangi tahrir e'lon qilinganidan keyin ilovadan foydalanishning davom ettirilishi yangilangan shartlarga rozilik sifatida qabul qilinadi.

11.3. Foydalanuvchiga muhim o'zgarishlar to'g'risida ilova orqali alohida xabar yuborilishi mumkin.

12. Aloqa ma'lumotlari

Maxfiylik siyosati bilan bog'liq savol va takliflar bo'yicha quyidagi aloqa kanallari orqali Cashfiyot jamoasiga murojaat qilishingiz mumkin: